გაკვეთილის მთავარი თემა	Valentines Day (ვალენტინობა) - ეროვნული სასწავლო გეგმით რეკომენდებული შინაარსის მიხედვით, ასევე სასწავლო პროცესში გამოხატული ინტერესების მიხედვით.
სწავლების საფეხური	საბაზო, VI კლასი - (Friends 2-Carol Skinner)
მოსწავლეთა პროფილი	კლასში 24 მოსწავლეა, ნორმალური განვითარების, მათ შორის 6-5 ჰიპერაქტიური ბავშვი და 2-1 ნაკლებად აქტიური მოსწავლე.
გაკვეთილის მნიშვნელობა/ აქტუალობა	გაკვეთილი აქტუალურია - თემა საინტერესოა თავისი შინაარსით, დატვირთულია ისტორიული მოვლენებით და მოსწავლეები მოელიან მნიშვნელოვანი ინფორმაციით თავისი ცნობისმოყვარეობის დაკმაყოფილება- გაფართოებას. (უკვე ამ ასაკში მოზარდებში არსებობს ინტრიგის ფაქტორი.) ეს გაკვეთილი მნიშვნელოვანია იმით, რომ მოსწავლეები იყენებენ მათ მიერ უკვე დაუფლებულ ლექსიკურ-გრამატიკულ უნარებ-ჩვევებს, უკავშირებენ მათ ახალს, რაც შემდგომში დაეხმარებათ სხვა საკითხების ადვილად ათვისებასა და ცოდნის ინტეგრირებაში.
გაკვეთილის მიზნები და შედეგები	მოსწავლეები ეუფლებიან ტექსტის მოსმენა-გაგებას, გამოიმუშავებენ ინფორმაციის გაცვლის უნარ-ჩვევას, წერის უნარს, გაცნობითი და ძიებითი კითხვის ტექნიკის გამოყენებით ტექსტის დამუშავებას, დაეუფლებიან ენის ინტონაციას, გაიუმჯობესებენ მეტყველების უნარს წინარე ცოდნის გამოყენებითა და ახალი ლექსიკური ერთეულების ათვისების საშუალებით, უვითარდებათ კრიტიკული აზროვნება. გამოიმუშავებენ თვითშეფასების უნარსაც. უნდა მოვახდინოთ მოსწავლის მოტივაცია. მოსწავლემ უნდა შეიძინოს: 1.სამეტყველო უნარ-ჩვევები (მოსმენა, ლაპარაკი, კითხვა, წერა) 2.სასიცოცხლო უნარ-ჩვევები (თანამშრომლობა, შემოქმედებითობა, თავისუფალი არჩევანის გაკეთება....) 3.უცხო კულტურის გაგების უნარი 4.უცხო ენის სწავლის უნარ-ჩვევები (სწავლის სწავლა) მოსწავლეს ჩამოუყალიბდება სხვადასხვა სახის დამოკიდებულება: 1.უცხო ენის სწავლის სურვილი 2.ინტერესი უცხო სამყაროს მიმართ 3.განუვითარდებათ ღირებულებითი შეფასების უნარი 4.ინდივიდუალურ განსხვავებათა პატივისცემა და დაფასება 5.გაუჩნდეთ ახალი აღმოჩენების კეთების სურვილი მიმართულება - მოსმენა: უცხ.ს.II.1 მოსწავლე ისმენს და იგებს მასწავლებლის მითითებებს და სავარჯიშოს ინსტრუქციებს. (სათანადოდ რეაგირებს, ასრულებს სავარჯიშოებს) უცხ.ს.II.2.მოსწავლე ისმენს და იგებს ნაცნობ თემატიკაზე აგებულ ტექსტს. უცხ. II.3. მოსწავლე ისმენს და იგებს აუდიო ან ვიდეო ჩანაწერს უცხ.ს.II.6. მოსწავლე შინაარსის გაგების გაადვილების მიზნით იყენებს სათანადო სტრატეგიებს უცხ. ს.I.2 მოსწავლე ეუფლება უცხოური ენისათვის დამახასიათებელ ფონოლოგიურ სისტემას. მიმართულება კითხვა: უცხ.ს.I.11 მოსწავლე კითხულობს და იგებს ყოფითი ხასიათის ინფორმაციულ ტექსტს გ. მენიუ (კერძები, დესერტი, სასმელები და სხვა) უცხ.ს.II.9. მოსწავლე კითხულობს და იგებს სავარჯიშოს პირობას (ასრულებს მითითებას). უცხ.ს.II.10 მოსწავლე კითხულობს და იგებს მარტივ კორესპონდენციას: სხვადასხვა სახის ღია ბარათს (მისალოცი, პირადი წერილი). უცხ.ს.II.14 მოსწავლე კითხულობს და იგებს თხრობით ტექსტს. უცხ.ს.II.15 მოსწავლე ამოიცნობს ტექსტის სტრუქტურულ მახასისთებლებს და ნასწავლ ენობრივ-გრამატიკულ ფორმებს. უცხ.ს.II.16 მოსწავლე განსაზღვრავს კითხვის მიზანს და შესაბამისად იყენებს კითხვის სხვადასხვა ტექნიკას (გაცნობითი და ძიებითი- კონკრეტული ინფორმაციის მოსაძიებლად) მიმართულება წერა უცხ.ს.II.17. მოსწავლე ნიმუშის მიხედვით წერს სხვადასხვა შინაარსის ღია ბარათს უცხ.ს.II.18. მოსწავლე სწერს წერილს თანატოლს, ახლობელს (ხელნაწერ ან ელექტრონულ ვერსიას). უცხ.ს.II.21. მოსწავლე იცავს წერილობითი ტექსტის სტრუქტურას, ფლობს და ფუნქციურად იყენებს ელემენტარულ ენობრივ-გრამატიკულ ფორმებს. მიმართულება ლაპარაკი უცხ.ს.II.23. მოსწავლე ეუფლება უცხოური ენის ფონოლოგიურ სისტემას. (გასაგებად მეტყველებს და ცდილობს დაიცვას ენისათვის დამახასიათებელი ინტონაცია ჟღერადობა, აქვს სათანადო გამოთქმა). დიალოგური მეტყველება უცხ.ს.II.24. მოსწავლე მონაწილეობს ინტერაქციაში. მონოლოგური მეტყველება უცხ.ს.II.26. მოსწავლე გაბმულად ლაპარაკობს. (აღწერს ადამიანებს, იძლევა დადებით ან უარყოფით შეფასებებს, გადმოსცემს მოკლე შინაარსს.) უცხ.ს.II.27. მოსწავლე მეტყველებისას ფუნქციურად იყენებს ნასწავლ ენობრივ-გრამატიკულ ფორმებს. უცხ.ს.II.28. მოსწავლე იყენებს ზეპირმეტყველების სათანადო სტრატეგიებს. მიმართულება კულტურათა დიალოგი უცხ.ს.II.29. მოსწავლე ამოიცნობს ინფორმაციას კულტურის სფეროდან. (ამოიცნობს ილუსტრაციებზე ასახულ სახელმწიფო სიმბოლოებს, კულტურულ ძეგლებს). მიმართულება - სწავლის სწავლა უცხ.ს.II.32. მოსწავლე მასწავლებლის დახმარებით განჭვრეტს შესასრულებელი დავალების მოთხოვნებს უცხ.ს.II.33. მოსწავლე იძენს სტრატეგიულ უნარებს წარმატებული სწავლების უზრუნველსაყოფად. უცხ.ს.II.37. მოსწავლე თანამშრომლობს თანაკლასელებთან, მასწავლებელთან, მეწყვილესთან შედეგების გაუმჯობესების მიზნით. (აქტიურად ცდილობს თავისი წვლილი შეიტანოს საერთო საქმეში)
წინასწარი ცოდნა	იმისათვის, რომ ამ გაკვეთილის ამოცანები წარმატებით შეასრულონ, მოსწავლეებs უნდა ჰქონდეთ ელემენტარული ცოდნა ამ საკითხზე, კერძოდ, წინა წელს შესწავლილი მასალა ვალენტინობაზე. (ასევე Friends 1- ში მოც. მასალა)
შეფასების საგანი და პროცედურები	შეფასება იქნება განმსაზღვრელი, ჯგუფური, ასევე ინდივიდუალური. ის სამუშაოები რაც შეასრულა ჯგუფმა, მთლიანობაში შეფასდება ჯგუფურად. ხოლო ინდივიდების მსჯელობა, ზეპირი პრეზენტაცია და სხვა შესრულიბული სამუშაო შეფასდება ინდივიდუალურად. II აქტივობის შეფასების კრიტერიუმები: 16-15 - ამოიცნობს კონკრეტულ სიმბოლოებს და ასახელებს მათ. 8-7 - ამოიცნობს კონკრეტულ სიმბოლოებს, ასახელებს მხოლოდ რამოდენიმე ნაცნობ სიტყვას. III აქტივობის შეფასების კრიტერიუმები: 10-9 მოსწავლე იგებს, ამოიცნობს მარტივი კორესპონდენციისა და მენიუს შინაარსს და არგუმენტირებს 8-7 ამოიცნობს მარტივ კორესპონდენციას და მენიუს და მიუთითებს მათზე 6-5 უჭირს ზოგადი შინაარსის გაგება, ასახელებს მხოლოდ რამოდენიმე ნაცნობ სიტყვას IV აქტივობის შეფასების კრიტერიუმები: 10 - 9 ყოველთვის აქვს ჯგუფში მუშაობის მაღალი მოტივაცია, მსჯელობს, სხვების აზრს ითვალისწინებს. ამოიცნობენ პერსონაჟებს, ისტორიულ მოვლენის ადგილს, აღწერენ ვალენტინს 8-7 - უმეტესად ჩართულია ჯგუფურ მუშაობაში, გამოთქვამს თავის შეხედულებებს, თუმცა ზოგჯერ უჭირს სხვისი მოსმენა. 6-5 - ზოგჯერ ერთვება ჯგუფის მუშაობაში, თავს იკავებს აზრის გამოთქმისგან, თუმცა არის ძირითადად პასიური მსმენელი. 2-1 - იშვიათად ერთვება ჯგუფურ მუშაობაში 4-3 - არ არის ჩართული ჯგუფის მუშაობაში, დაკავებულები არიან IX აქტივობის I პუნქტით. V აქტივობის შეფასების კრიტერიუმები: 4-3 - გადმოსცემს მოკლე შინაარსს მონოლოგიურად. 5-4 - ცდილობს დაამატოს თავისი აზრი. 10 - იგებს მოსმენილი ან წაკითხული ტექსტის ზოგად შინაარსს, მთავარ თემას. ამოიცნობს სიტყვებს და გამოთქმებს. 9-8 - იგებს მთავარ თემას, ასახელებს რამოდენიმე ნაცნობ სიტყვას. 5-4 - ვერ იგებს ზოგად შინაარსს, სჭირდება ქართულად თარგმნა, მასწავლებლის დახმარებით ახერხებს პასუხის გაცემას. VI აქტივობის შეფასების კრიტერიუმები: 18-17 - მოსწავლე ამოიცნობს მოცემულ ქალაქებს და ასახელებს მათ ინტონაციისა და ფონეტიკის წესების გამოყენებით. 6-5 - ადასტურებს ნათქვამს. VII აქტივობის შეფასების კრიტერიუმები: 9-8 - იმართება დისკუსია და აზრების გაცვლა-ჩანიშვნა. 5-4 - აკვირდება და ხანდახან ერთვება თავისი აზრებით. VIII აქტივობის შეფასების კრიტერიუმები: (ფასდებიან როგორც ინდივიდუალურად, ასევე ჯგუფურად) 6 - წყვილებში ასრულებენ VII აქტივობის მოთხოვნას (როლური თამაში). 18-17 - პასიურ მსმენლები და შემფასებლები არიან. 4-3 - არ არის ჩართული ჯგუფის მუშაობაში, დაკავებულები არიან IX აქტივობის მე-2 პუნქტის კეთებით. IX აქტივობის შეფასების კრიტერიუმები: 6-5 - ეძლევათ საშუალება წარმოადგინონ ერთობლივი ნამუშევარი (პრეზენტაციები) 2-1 - წარმოადგენს ლოგიკური თანმიმდევრობით დალაგებულ სურათებს
სასწავლო მასალა და ტექნიკური რესურსები	დამჭირდება შემდეგი რესურსები: 1. წინასწარ მომზადებული ფურცლები მინი ტექსტებით რომლებიც შეესაბამება მოსწავლეთა კითხვის უნარებს 2. მნიშვნელოვანი მოვლენების მოსანიშნად ღია ფერის მარკერები 3. დაჭრილი სურათები გამზადებული ასაწყობად (იხ. დანართი) 4. ფლომასტერები 5. წინასწარ შესრულებული ნახატი სიმბოლოებზე 6. თემატურად ამორჩეული ნივთები კლასის დეკორაციისთვის (ბუშტები, ლენტები, ყვავილები, რბილი სათამაშოები, პოსტერები, წარწერები ცნობილი ადამიანების გამონათქვამებით) 8. 1 კომპიუტერი, პროექტორი 9. MS Power Point : ა) სიმბოლოების, საჩუქრების, სხვადასხვა აქსესუარების slide-show1; ბ) ღია ბარათი და სამზარეულოს მენიუ - slide-show2; ; გ) 10 ტოპ რომანტიული ქალაქი - slide-show3. 10. MS Word კროსვორდი, კრიპტოგრამა (დანართი), გამოსაყენებელი ახალი სიტყვების ნუსხა, მინი ტექსტები. 11. Internet ფილმი(http://www.youtube.com/watch?v=WW1mR6m8f1k)
გაკვეთილის მსვლელობა/საკლასო მენეჯმენტი	დრო 45 წთ დამჭირდება ვალენტინობის ისტორიის ცოდნა, პირველი ღია ბარათის კონცეფციის წარმოშობა და მისი თანამედროვეობამდე მოსვლა; თუ როგორ იგზავნება წერილი კომპიუტერის ან მობილური ტელეფონის საშუალებით. ასევე გრამატიკული ერთეულების გააქტიურება, მაგ, Present, Past and fufture Simple, Degrees of Comparision, კონსტრუქცია be going to, Stative Verbs მუშაობის ტიპი ჯგუფური (3 ჯგუფად) ყოველ ჯგუფს ჰყავს თავის ლიდერი მასწავლებელი მოსწავლეებს აცნობს გაკვეთილის თემას; I აქტივობა გონებრივი იერიში (5 წთ): შეკითხვები: 1. როდის აღნიშნავენ ვალენტინობას? 2. ვის სახელს ატარებს? 3. რას უგზავნიან ერთმანეთს ძვირფასი ადამიანები? 4. რა შეიძლება იყოს ამ დღის საჩუქარი? 5. ჩვენთან თუ აღნიშნავენ ვალენტინობას? 6. მსგავსი დღესასწაული თუ გვაქვს ჩვენ? II აქტივობა (2 წთ) - მასწავლებელი სთხოვს მოსწავლეებს ყურადღებით დააკვირდნენ ეკრანზე გაშვებულ დასათაურებულ სლაიდ-შოუს ამოიცნონ დღესასწაულთან დაკავშირებული სიმბოლოები. III აქტივობა (3 წთ) - მასწავლებელი მოსწავლეებს აცნობს პირველი ღია ბარათის კონცეფციის წარმოშობა და მისი თანამედროვეობამდე მოსვლას, მოსწავლეები ყურადღებით აკვირდებიან ეკრანზე ნაჩვენებ 2 ტექსტს, ამოიცნობენ რომელი ტექსტი შეესაბამება კორესპონდენციას და რომელი მენიუს და რატომ? რა მახასიათებლები აქვთ? IV აქტივობა მასწავლებელი სთხოვს მოსწავლეებს ყურადღებით უყურონ და მოუსმინონ ეკრანზე გაშვებულ ფილმს (10წთ) - დავალება (ჯგუფური): ა)აღწერეთ ვალენტინი ვინ მეტ მახასიათებელს მოიფიქრებს; ბ)ამოიცანით პერსონაჟები, ისტორიული მოვლენის ადგილი; V აქტივობა ცნობილი ამბები (ჯგუფური) - 7წთ: მასწავლებელი მოსწავლეებს ავალებს მიცემული ტექსტის მიხედვით ამოკრიბოს საჭირო ინფორმაცია და მოკლედ გადმოსცეს მისი შინაარსი (მოსწავლე იყენებს კითხვის ტაქნიკის სტრატეგიებს). ორი ჯგუფი მუშაობს ტექსტებზე, ხოლო მესამე მოსმენილ ტექსტებს შორის პოულობს საერთოს და განსხვავებულს. VI აქტივობა სლაიდ-შოუ ამოიცნონ ნაჩვენები რომანტიული ქალაქები (ჯგუფური): 2წთ VII აქტივობა (ჯგუფური) 7წთ: ჯგუფებს ვავალებ სიმულაციური სიტუაციების შექმნას თემებზე: 1. საუბარი რომანტიულ ქალაქზე (რატომ დაპატიჟებ იქ საყვარელ ადამიანს? - ეძლევათ ერთ-ერთი ქალაქის აღწერილობა თავისი მომხიბლაობით); 2. შეკვეთის გაკეთება კაფეში (ეძლევათ მენიუ) ; 3. საჩუქრის შერჩევა მეგობრისთვის მაღაზიაში. VIII აქტივობა დიალოგის პრეზენტაცია (წყვილური): 3წთ IX აქტივობა პრეზენტაცია - 1.ღია ბარათის (2წთ): ჰიპერაქტიურ ბავშვებს II აქტივობის დასრულებისას დაევალათ ღია ბარათების დამზადება, შიგ მისალოცი სიტყვების სათანადო წესებით ჩაწერა და ადრესატების მოძებნა; 2. მიეცათ დასამუშავებლად კრიპტოგრამა და კროსვორდი (3წთ); 3. ამავდროულად ნაკლებად აქტიურ მოსწავლეებს ევალებათ ასაწყობი სურათების თანმიმდევრულად დალაგება- (1 წთ) საშინაო დავალება ყველასთვის: ღია ბარათის ელექტრონული ვერსიით გაგზავნა; ლიდერებს დაევალოთ: 1. მოამზადონ მოხსენება თავიანთი ჟგუფის აქტივობებზე და მიღწევებზე; 2. შექმნან ეისლერ-ვენის დიაგრამა V აქტივობის მიხედვით.